💖 मोर जिनगी तोर नाँव लिखागे 💖
(छत्तीसगढ़ी लव सॉन्ग)
🎼 मुखड़ा (Chorus)
मोर मैना मयारू.....मोर दिल मा तैं आजा,
मोर मन के मिलौना.......मोर दिल मा समाजा।
मोला तोर से हे प्यार, मोर जीव के आधार,
मैंहा खावत हावौं किरिया, ये दे करत हौं करार...
मोर जिनगी.........तोर नाँव लिखागे।
🎶 अंतरा १
हृदय के तार ला, तैंहर छेड़े,
जिनगी मा खुसी के रंग ल बोरे।
तोर बिना एक पल, अब तो जिए ना होए,
हर साँस तोर नाम, अब काबर लुकाए?
मया के बंधना, अब कसके बंधागे,
मोर जिनगी.........तोर नाँव लिखागे।
🎶 अंतरा २
दुनिया के नजर ले, मोला बचा ले,
सोनहा मया के, अंगना सजा ले।
तैं मोर धड़कन, तैं मोर अरमान,
तोरे संग बिताना हे, मोर सुग्घर जहान।
मन मा बसगे, अब तैं मोर संगवारी,
मोर जिनगी.........तोर नाँव लिखागे।
🎶 अंतरा ३
आँखी के रद्दा मा, तोर रूप झलके,
तोर मीठ बोली, मोर कान मा खलके।
तोर गोठ बतिया, मोला बैराग करथे,
तोर चेहरा ल देख, मोर पीरा हरथे।
तोर बिना जियना, अब मोला नइ भावे,
मोर जिनगी.........तोर नाँव लिखागे।
तोषण कुमार चुरेन्द्र दिनकर
धनगांव डोंडी लोहरा
बालोद छत्तीसगढ़
कोई टिप्पणी नहीं:
एक टिप्पणी भेजें