शनिवार, 20 दिसंबर 2025

दारू अउ जिनगी


​🍻 दारू अऊ जिनगी 🌾

​मंद मउहा म खेत बेचागे,
खर्री ओदरगे तन के।
झन पीयव तुम दारू भैय्या,
रहव बने बन ठन के।
​१. घर-दुआर
​दारू पी के भैय्या,
हाथ ले छुटथे घर-दुआर।
लइका भूखा बिलखत हावय,
कहाँ ले लाबे बने जुआर।
​२. नंदागे सुमति
​जे दिन ले दारू ल धरेव,
सुमति नंदागे मन के।
नशा म सब धन उड़ा डारेव,
चिंता करव जिनगी-धन के।
​३. दुख के करम
​तन-मन ल रोवत छोड़ेव,
दुख के करम करत जावव।
झन करव जुग-जुग के नास,
सुख के रस्ता म चलव आवव।
​४. रहव बने
​फेर ले कहत हँव सुन ले भैय्या,
छोड़ दे नशा के मंद मउहा।
रहव बने बन ठन के तुम,
तभे तो मिलही सोन के दउहा।

-तोषण चुरेन्द्र 'दिनकर'

कोई टिप्पणी नहीं:

आगामी

सतनाम

सतनाम सतनाम तै भजले सुजान भागमानी काया मिले सुंदर तै जान भागमानी काया मिले सुंदर तै जान पंचरतन के काया, छिन मा सिराही गा पानी पर...

लोकप्रिय