चांदनी ओ चांदनी, दिल के जोगनी
कइसे खवाये तैहा मया मोहनी
---तोर कोती जाये दिल , हिचकोला खाये दिल
होके मनबावरा , तोर गीत गाये दिल
मन के रागिनी,,,,चांदनी ओ चांदनी...
होवत बिहनिया तोर सुरता सताये
सारी सारी रतिहा बैरी नींद ले जगाये
तोर बिना रानी मोला आये नहीं चैना
देखे बिना तोला मोर तरस जाये नैना
---बइहा बनाये तैं , सपना देखाये तैं
बनके तैं चंदा रानी , दिल मा समाये तै
स्वप्न सुंदरी,,,,चांदनी ओ चांदनी...
हिरनी हे चाल तोर , होठ हे रसीली
दिल मा कटार मारे , आँख नीली नीली
तोर हौं दिवाना मोर बन जा तैं दीवानी
आगी लगाये तन मा चढ़ती तोर जवानी
---दिल के करार तैं , मन के सिंगार तैं
तोर पुजारी हौं , मोर संसार तैं
राजहंसिनी,,,,चांदनी ओ चांदनी
— तोषण चुरेन्द्र 'दिनकर'
धनगांव डौंडीलोहारा बालोद छत्तीसगढ़
कोई टिप्पणी नहीं:
एक टिप्पणी भेजें