गोदना गोदाले रे मोर नाँव के
ए सवरेंगी मोर ए पतरेंगी मोर
बइठके सुरता ले लीम छाँव में
गोदना गोदाले रे मोर नाँव के
ए सवरेंगा मोर ए पतरेंगा मोर
बइठके सुरता ले लीम छाँव में
परसा के फूलवा फूलेला लाले लाल
तोर पीरीतिया के बेड़ी मोर होगे हे जीव के काल
ए सवरेंगी मोर ए पतरेंगी मोर
बइठके सुरता ले लीम छाँव में
सावन के बरसा पवन करे शोर
मैं हावंव तोर चंदा तै हावस मोर चकोर
ए सवरेंगा मोर ए पतरेंगा मोर
बइठके सुरता ले लीम छाँव में
तेल बिना बाती बरत नइहे ओ
तोर बिना मोर जिनगी मा रस नइहे ओ
गोदना गोदाले रे मोर नाँव के
ए सवरेंगी मोर ए पतरेंगी मोर
बइठके सुरता ले लीम छाँव में
नदिया कछार फरेहे लाली जाम
जिनगानी हा लिखागेहे तोरेच नाम रे
ए सवरेंगा मोर ए पतरेंगा मोर
बइठके सुरता ले लीम छाँव में
तोषण चुरेन्द्र 'दिनकर'
धनगाँव डौंडी लोहारा
बालोद छत्तीसगढ़
कोई टिप्पणी नहीं:
एक टिप्पणी भेजें