रविवार, 24 नवंबर 2024

महान



 महान


लाल बाल अउ पाल जस, जग मा बनव महान।

सुरता करही एक दिन,सिरतो सकल जहान।।


सुमता के रस्ता गढ़व, करलव करम महान।

पीढ़ी हमरो सीख ले, अतका करव सुजान।।


बिना करम के हे सखा, बनथे कोन महान।

पढ़ले तै इतिहास ला, पढ़ले पोथ पुरान।।


भारत मोर महान हे, रंग रंग के वेश।

बोली भाखा हे अलग, बड़ सुग्घर ये देश।।


अंग दान जग बर करिस , धीर दधीचि महान।

बिन स्वारथ के काज बर, तजे अपन जे प्रान।।


शिक्षक बनके ज्ञान के, भरिस अमिट भंडार।

महिमा हवय महान जी,वंदन लाखों बार।।


गजानंद गुरुदेव के, जनम दिवस हे आज।

गुरुजी हमर महान हे, करे सृजन बर काज।।


गुरु हे गुड़ के पोटली, ज्ञान अमृत के खान।

जेकर पुण्य प्रताप ले, चेला बनय महान।।


चेला गुरु चाणक्य के, वीर अशोक महान।

घनानंद ला मात दिस, जानय सकल जहान।।


नौ महिना ले कोख मा,दाई रखे सुजान।

लवकुश जइसे पालथे,महिमा हवय महान।।


तोषण चुरेन्द्र 'दिनकर'

कोई टिप्पणी नहीं:

आगामी

सतनाम

सतनाम सतनाम तै भजले सुजान भागमानी काया मिले सुंदर तै जान भागमानी काया मिले सुंदर तै जान पंचरतन के काया, छिन मा सिराही गा पानी पर...

लोकप्रिय