मोर रंगरसिया मोर मनबसिया
कइसे रिसाये बिन बोली बतिया
बंइहा मा आजा रे पिरोहिल दिल मा समाजा रे......
हाय रे मोर दौना रूप सलौना
कइसे खवाये मया मतौना
बंइहा मा आजा रे पिरोहिल दिल मा समाजा रे......
पागा के कलगी ह तोर दिवाना,
मन मा मोर गहरी मतावय
तिरछी नजरिया ह तोर दिवानी,
दिल मा रे छुरी चलावय
मोर मनमोहना मोर दिल जोहना
मँय तोर खुशबू तँय फूल मोंगरा
बंइहा मा आजा रे पिरोहिल दिल मा समाजा रे.......१
बनके कन्हैया मँय तोर ओ राधा,
बन बन बंसरी बजावँव
महूं हावँव तोर प्रेम दीवानी,
आजा तुहिला बलावँव
मन मोर मयूरी चंदा चकोरी
हे मृगनयनी सूरतिया गोरी
बंइहा मा आजा रे पिरोहिल दिल मा समाजा रे.......२
©®
तोषण चुरेन्द्र 'दिनकर'
धनगाँव डौंडी लोहारा बालोद छत्तीसगढ़ ४९१७७१
६२६७५३८०३६//९५७५०७०६८९

कोई टिप्पणी नहीं:
एक टिप्पणी भेजें