शनिवार, 7 मई 2022

राम के नाम के महिमा हे अपार...

रामे के नामे के महिमा हे अपार....
चलो मिल के संगी गाबो
जिनगी ल पार लगाबो....
बोहथे गंगा सरयू के तीर मा
दरसन करले ना....


राम के नाम के गुन बड़े हे
जानत हे संसार गा
करले सुमरनी तैहा गा भैया
हो जाबे भव ले पार गा
जिनगी के तैहा करले गा उद्धार......
चलो मिल के संगी गाबो
जिनगी ल पार लगाबो....
बोहथे गंगा सरयू के तीर मा
दरसन करले ना....

रीषि मुनी ज्ञानी ध्यानी तरगे
तरगे गा शबरी दाई ना
रतनाकर डाकू हर तरगे
तरगे हे सज्जन कसाई ना
रामे के बिना ये जिनगी हे बेकार...
चलो मिल के संगी गाबो
जिनगी ल पार लगाबो....
बोहथे गंगा सरयू के तीर मा
दरसन करले ना....

तुलसी के लिखे रामायण सुनत हे
कलयुग के नर नार गा
राम रमैय्या के भजन करत हे
सगरो जगत संसार गा
तोषण घलक हा पारत हे गोहार....
चलो मिल के संगी गाबो
जिनगी ल पार लगाबो....
बोहथे गंगा सरयू के तीर मा
दरसन करले ना....

रचना दिनांक ५/१०/२१
रचनाकार :-तोषण चुरेन्द्र  "दिनकर"(सरपंच)
गायक जय श्री राम मानस परिवार
धनगांव डौंडी लोहारा
बालोद छ.ग.

कोई टिप्पणी नहीं:

आगामी

सतनाम

सतनाम सतनाम तै भजले सुजान भागमानी काया मिले सुंदर तै जान भागमानी काया मिले सुंदर तै जान पंचरतन के काया, छिन मा सिराही गा पानी पर...

लोकप्रिय